Har ghar ka load alag hai, is liye blind rate dena aasan hai lekin ghalat hai. Neeche common package sizes hain, unke andar kya aata hai, aur price kis cheez se barhti hai — sab likha hua.
Koi bhi company aap ko bina chhat dekhe exact price nahi de sakti. Jo de deti hai, wo aksar baad mein "ye to extra hai" wali baat karti hai. Hamara tareeqa ye hai:
Battery ka type sab se bara farq daalta hai, is liye neeche se badal kar dono price dekh lein.
Lithium mehngi hai lekin lambi chalti hai. Tubular sasti hai lekin baar baar badalni parti hai. Poora comparison neeche hai →
Bill Rs. 20,000 – 35,000 · 300 units/month
SHAMIL HAIBill Rs. 45000 – 60,000 · 800 units/month
SHAMIL HAIBill Rs. 80,000 – 110,000 · 900 units/month
SHAMIL HAIBill Rs. 10000 se zyada · 1,300 units/month
SHAMIL HAI✓Ye rates August 2026 ke hain. Market rate badalta rehta hai — final price survey ke baad quotation mein aata hai.
Naam, number aur mahana bill likh dein. Hum system size aur approximate range wapas bhejte hain — survey se pehle, bina kisi advance ke.
Har zameen alag hoti hai. Kahin chaar foot par hi earth mil jati hai, kahin bees foot khodna parta hai — aur kahin chemical earthing ke baghair reading theek nahi aati. Is liye earthing ka kharcha survey ke baad, zameen dekh kar bataya jata hai, aur quotation mein apni alag line par likha hota hai.
Hum isay package mein chhupa kar nahi rakhte. Jo company chhupa deti hai, wo ya to earthing theek se karti nahi, ya baad mein extra bill bhejti hai.
Agar aap ke paas do quotations hain aur unme lakhon ka farq hai, to farq in cheezon mein se kisi mein hoga. Poochein — aur likhit poochein.
Kitni der aur kitna load battery par chalega. Yehi aik cheez do quotations mein sab se bara farq banati hai. Nameplate capacity aur usable capacity alag hoti hai — usable poochein.
Flat mount sasta hai. Elevated structure mehnga hai lekin chhat bachata hai. Height barhti hai to steel aur foundation dono barhte hain.
Tier-1 mono aur bifacial mein farq hota hai. Bifacial elevated structure ke sath behtar perform karta hai.
Chhat se meter tak ka faasla. Double storey aur lambi run mein cable ka kharcha kaafi barh jata hai — aur yahi wo jagah hai jahan sasta kaam chhupaya jata hai.
Waterproofing, uneven slab, ya pehle se mojood installations — kabhi extra civil kaam nikal aata hai.
Chhota item, bara asar. Sasti quotations yahin se katna shuru karti hain.
Dono list dena hamare liye zaroori hai. Jo company sirf "shamil hai" wali list deti hai, uske paas doosri list bhi hoti hai — bas wo aap ko baad mein milti hai.
✓In mein se jo bhi aap ke case mein zaroori hoga, wo survey ke baad quotation mein saaf likha hoga — kaam shuru hone ke baad nahi.
Quotation lene ke liye kuch nahi. Uske baad milestones par, aur schedule quotation mein pehle se likha hota hai.
✓Order par 50% · delivery par 30% · commissioning ke baad 20%.
Ye faisla aap ke system ki total cost ka sab se bara hissa hai, is liye dono taraf ki baat saaf honi chahiye.
| Lithium (Pylontech / Dyness) | Tubular / Lead-acid (Itel) | |
|---|---|---|
| Shuru ka kharcha | Zyada | Kam |
| Service life | Lambi — cycles: 6,000+ | Chhoti — baar baar replace |
| Maintenance | Koi nahi | Pani check karna parta hai |
| Jagah / ventilation | Kam jagah, ventilation nahi chahiye | Hawadar jagah chahiye |
| Usable capacity | Gehri discharge 95% | Mehdood — poori capacity istemal nahi hoti |
| Roz solar cycling | Behtar | Kam munasib |
| saal ka total kharcha | Aksar kam nikalta hai | Replacement ke sath barh jata hai |
| Kis ke liye theek | Aik baar mein theek kaam karana ho | Budget hi asal rukawat ho |
Hum quotation mein dono option de dete hain — sirf aaj ka invoice nahi, balke 10 saal ka total kharcha bhi. Faisla aap ka.
Hum sab se saste nahi hote, aur is ki wajah batana zaroori hai. System sasta banane ke chaar tareeqe hain, aur chaaron ka nateeja teen saal baad nikalta hai.
Kam gauge ka cable sasta parta hai. Nateeja: voltage drop, garmi, aur generation ka nuqsan. Quotation mein cable ka size aur brand likha hona chahiye — sirf "wiring" nahi.
Patla section, kam spans, bina proper coating. Karachi ki coastal hawa aur pre-monsoon winds mein ye sab se pehle jawab deta hai — aur uske neeche panels hote hain.
Surge protection, breakers, proper earthing — ye chhote items hain jo pehli badi galti ke waqt sab kuch bacha lete hain. Ya nahi bachate, agar mojood na hon.
Chhoti battery daal kar price kam dikhana sab se aasan chaal hai. Customer ko pata tab chalta hai jab raat ko 11 baje bijli chali jati hai.
System size par depend karta hai, aur size aap ke monthly bill par. Upar diye gaye packages indicative hain — "shuru" ki price hai, aur battery type ke hisab se badalti hai. Apna pichla K-Electric bill WhatsApp karein, hum usi din size aur range bata dete hain.
Ye "shuru se" ki price hai. Final price survey ke baad quotation mein aati hai, kyunke chhat ki condition, cable ki length aur structure ki height se farq parta hai. Quotation milne ke baad rate nahi badalta.
Quotation aur survey ke liye kuch nahi. Order confirm karne par material booking ke liye pehli payment hoti hai, phir delivery par, phir commissioning ke baad. Poora schedule quotation mein likha hota hai. 50% order, 30% delivery, 20% commissioning
2026 se net metering net billing ban gaya hai. Export ka rate self-consumption ki value se kaafi kam hai, is liye ab focus battery aur khud istemal par hona chahiye. Aap ke case mein faida hai ya nahi, wo survey mein bata dete hain.
Chhota system tubular battery ke sath sab se sasta parta hai. Lekin agar aap ka maqsad raat ko AC chalana ya lambi load-shedding cover karna hai, to wo option aap ko theek nahi lagega. Hum aap ko wo cheez bechne se pehle bata dete hain.
Panel aur battery ke rates import aur exchange rate se juray hote hain, is liye badalte rehte hain. Is page par jo rates hain wo August 2026 ke hain aur hum inhein har mahine update karte hain.
Pichla bill WhatsApp karein. Hum size, package aur approximate price bata dete hain — survey se pehle.
✓Free survey · Quotation ke liye koi advance nahi · Likhit, item-wise pricing